பர்சனல் லோன் வேண்டுமான்னு கேட்டு போன்ல தொல்லை செய்யுறாங்களா? 1.கட்டாயமா வேண்டும்! ஆனா பர்சனலா வெச்சிக்கணும்! யார்கிட்டையும் சொல்லப்பிடாதுன்னு சொல்லுங்க!
2.சனிக்கிழமை சாயங்காலமா ஊருக்கு வெளிப்புறமா நான் சொல்ற ஒரு ரகசியமான இடத்துக்கு கொண்டு வந்து கொடுக்கணும்னு கண்டிஷன் போடுங்க! அவங்க கொடுக்குறது பர்சனல் லோன் பாஸ்! யாருக்கும் தெரியக் கூடாதுல்ல!
3.டாகுமென்ட் எதுவும் இல்லாம லோன் தருவீங்களான்னு கேட்டு பாருங்க!
கேஷ் எப்ப கொண்டு வந்து தருவீங்க? இன்னும் ஒன அவர்ல கிடைக்குமான்னு கேட்டுப் பாருங்க! பின்னாடி உங்க பக்கம் தலை வெச்சிக் கூட படுக்க மாட்டாங்க!
4.புனைப் பெயருக்கெல்லாம் லோன் தருவீங்களான்னு கேளுங்க! பர்சனல் லோனுக்கு எல்லாம் பெர்சனல் மெயில் ஐடி மட்டும்தான் அட்ரசா தருவேன்னு சொல்லுங்க!
5.ரெண்டு ரெஃபரன்ஸ் கேப்பாங்க! அதுக்கும் நம்மோட வேற ரெண்டு புனைப் பெயரை கொடுத்துடுங்க! கூகிள் தான் இலவசமா கொடுக்குதே! ஒரு நாலஞ்சு எக்ஸ்ட்ராவா உருவாக்கி வெச்சிக்குங்க! காசா பணமா?
6.லோன் வேணுமான்னு கேக்குறவங்ககிட்டே ஆமா எஜுகேஷனல் லோன் வேணும் னு கேளுங்க! அதைத்தான் நிதானமா கட்டலாம். அவசரமே படத் தேவை இல்லை. என்ன படிக்க போறீங்கன்னு கேட்ட டுட்டோரியல் காலேஜ்ல + 2 படிக்கப் போறேன்னு சொல்லுங்க!
7.கொடுக்குறதை பயிர்க்கடனா கொடுத்தீங்கன்னா புண்ணியமாப் போகும்னு கேளுங்க! கவர்மெண்ட்ல அப்பப்போ தள்ளுபடி பண்ணிடுவாங்க! வீட்டுத் தோட்டத்துல கறிவேப்பிலை பயிர் பண்ணுறேன்னு சொல்லிக்கலாம்.
8. போன் செய்வது ஆணா இருந்தா எங்காத்துல கல்யாண வயசுல ஒரு பொண்ணு இருக்குன்னு பேச்சை மாத்தி அவரை பத்தின விவரங்கள் கேட்க ஆரம்பிங்க. பொண்ணா இருந்தா கல்யாண வயசுல ஒரு வரன் இருப்பதாக ரூட்டை மாத்துங்க. அதுக்கு முன்னாடி கல்யாணம் ஆயிடுச்சான்னு ஒரு வார்த்தை கேட்டுகிட்டு ரூட் மாத்துற பிளானுக்கு வாங்க. சில நேரம் உண்மையாவே நல்ல வரன் அமையவும் வாய்ப்பு இருக்கு என்பது சிறப்பு அட்வாண்டேஜ்.
9. இந்த மாதிரி போன் செய்யுறவங்க பர்சனல் நம்பரை வாங்கி வெச்சிக்குங்க. இந்த மாதிரி மார்க்கெட்டிங்க் கால் பண்ணுற இன்னொருத்தர்கிட்டே இந்த நம்பரையும் அவர்கிட்டே இவர்கிட்டே வாங்கின நம்பரையும் மாத்தி மாத்தி கொடுத்து கோர்த்து விட்டுடுங்க!
10.அடிக்கடி போன் பண்ணிகிட்டே இருந்தா அவரை உங்க தெருவுக்கு பக்கத்துல இருக்குற ஆல மரத்தடிகிட்டே வரச் சொல்லிட்டு ஊரு சனங்களை கூப்பிட்டு எப்போவோ வந்த வெள்ளத்துக்கு நிவாரண உதவி தர வந்திருக்காரு, எல்லோரும் ரேசன் கார்டு எடுத்துட்டு வந்துடுங்கன்னு சொல்லி கிளப்பி விட்டுடுங்க!
லாஸ்ட் பட் நாட் த லீஸ்ட்!
11. இந்த மாதிரி மார்க்கெட் ஆட்களை வீட்டுக்கு வரச் சொல்லி உண்மைத் தமிழனோட ரெண்டு பதிவை பிரிண்ட் எடுத்து புத்தகமாக்கி கைல கொடுத்து வீட்டுக்குக் கொண்டு போயி படிச்சி முடிச்சதும் கால் பண்ணுங்க, பிறகு பேசலாம்னு சொல்லிடுங்க! இந்த ஜென்மத்துல அவர்கிட்டே இருந்து உங்களுக்கு கால் வராது! அப்படியும் கால் வந்தா கடைசியா ஒரு பிரம்மாஸ்திரம் இருக்கு!
12. இந்த
பிளாக்ல இருக்கும் கவிதைகள் சிலவற்றை பிரிண்ட் எடுத்து கைல கொடுத்து படிக்கச் சொல்லுங்க! அவர் உங்களுக்கு மட்டுமல்ல. யாருக்குமே கால் பண்ண மாட்டாரு!
தனிப்பட்ட மத உணர்வுகளை, "சாந்தியும் சமாதானமும் உண்டாகட்டும்" என்றதொரு அற்புதமான வாசகத்தை இழிவுபடுத்தும் விதமாக பொறுப்பின்றி பின்னூட்டமிட்டிருக்கும் தமிழ்மணத்தின் நிர்வாகிகளில் ஒருவரான இரமணிதரன் அவர்களையும், தமிழ்மணத்தையும் கண்டித்து எனது தனிப்பட்ட வலைப்பூக்கள் அனைத்தையும் தமிழ்மணத்திலிருந்து நீக்கிக்கொள்கிறேன்!
மேலதிகத் தகவல்களுக்கு :
காண்க இப்படிக்கு,
அருணையடி (எ) நாமக்கல் சிபி
மூன்றே வாரத்தில் முப்பது கிலோ குறைப்பது எப்படி
(ஒரு எளிய ப்ரூவன் மெத்தடாலஜி)
முதலில் எப்படியும் குறைத்தே தீருவது என்ற உங்கள் முடிவு சரியானதுதானா? மனப்பூர்வமாக விரும்பி இந்த முடிவை எடுத்திருக்கிறீர்களா என்று ஆற அமர யோசனை செய்து தீர்மானம் செய்யுங்கள்! குறைத்தே தீருவது என்ற முடிவுக்கு வந்திருக்கிறீர்கள் எனில் சபாஷ்!
முதலில் இரண்டு கிலோ அரிசி எடுத்து (பச்சரிசியாக இருத்தல் மிக்க நலம்) தண்ணீரில் நன்கு அலசவும்! பின்னர் கொதிநீரில் உலையிலிட்டு பொங்கல் பதமாக பொங்கி வரும் வரை அடுப்பில் வைக்கவும்! பிறகு பொங்கல் பதத்தில் இருக்கும் சாதத்தை அருகில் உள்ள கோவிலுக்கு எடுத்துச் சென்று நைவேத்யம் செய்து வணங்கிவிட்டு கோவிலுக்கு வரும் பக்தர்களுக்கு பிரசாதமாக விநியோகித்து விடவும்! இப்படியே சனி ஞாயிறு தவிர மீதம் வாரம் ஐந்து நாட்கள் என மூன்று வாரங்கள் தொடர்ந்து செய்து வர உங்கள் வீட்டில் அரிசியின் அளவு முப்பது கிலோ குறைந்திருப்பதை கண்கூடாகக் காணலாம்!
1 . வணக்கம் தோழி! முதல்ல உங்களைப் பத்தி ஒரு சின்ன அறிமுகம் கொடுங்க!
வணக்கம் சிபி அவர்களே, நான் கொழும்பில் வசிக்கிறேன். மருத்துவ கலாசாலை இறுதி ஆண்டு மாணவி.
2 . உங்களுக்கு வலைப்பூ அறிமுகம் எப்படி ஏற்பட்டது? யாருடைய பிளாக் பார்த்து எழுத ஆரம்பிச்சீங்க?
(க்ர்ர்...அவங்க மட்டும் என் கைல கிடைக்கட்டும்)
ஒரு வலைத் தள குழுமத்தில் சிறிய அளவில் இயங்கிக் கொண்டிருந்தேன்.அப்போது நண்பர் திரு.விவேகானந்தன் அவர்கள் தனியே பதிவு ஒன்றை துவக்கி எழுதிடுமாறு அறிவுறுத்தி, தனியே எனக்கென ஒரு பதிவினையும் உருவாக்கித் தந்தார். அவரது வழிகாட்டுதலில்தான் நான் பதிவுலகத்திற்கு வந்தேன்.3 . எல்லோரும் பிளாக் எழுத வரும்போது சீரியஸா கதை, கவிதை(ம்க்கும்) னு எதையாவது ஆரம்பித்து, ஒன்னு தீவிர இலக்கியம்னு போறாங்க, அல்லது மொக்கை, கும்மின்னு போயிடுறாங்க! ஆனா நீங்க வித்தியாசமான சப்ஜெக்ட்ல ஆரம்பிச்சி அதை அப்படியே மெயின்டெயின் பண்ணுறீங்க! இந்த வித்தியாசமான சப்ஜெட்ல எப்படி ஆர்வம் வந்தது? எதனால இதைத் தேர்வு செய்தீர்கள்? எனது குடும்பத்தாரின் பரம்பரை சேமிப்பான சித்தர் நூல்களை மின்னூடகத்தில் பதிந்து வைக்க பதிவுகள் சரியான இடமாக தோன்றியது.அப்படி ஆரம்பித்ததுதான் இந்த சித்தர்கள் ராச்சியம்.எனக்கு தெரிந்ததை எழுதுகிறேன் அவ்வளவுதான் மற்றபடி சிறப்பான காரணங்கள் ஏதும் இல்லை.
4 . கடந்த ஒரு வருடத்தில் 400 இடுகைகள். எப்படியும் தினமும் ஒன்று என்ற வீதத்தில்? தினந்தோறும் எப்படி உங்களுக்கு நேரம் கிடைக்கிறது? கல்லூரிக்கும் போய்க்கொண்டு இருக்கிறீர்கள்! அசாத்தியமான உழைப்பு அவசியம் அல்லவா? அது மட்டுமின்றி இன்னும் சில வலைப்பூக்களும் இருக்கின்றன அல்லவா?
வார நாட்களில் பதிவுகளில் கவனம் செலுத்த இயலாது. அதனால் சனிக் கிழமைகளில் புத்தகங்களை தேடி குறிப்பெடுத்து, ஞாயிற்று கிழமைகளில் ஒரே மூச்சில் எழுதி,அவற்றை அதை ஆறு பதிவுகளாய் பிரித்து நாளும் நேரமும் குறிப்பிட்டு வலையேற்றுவதுடன் என் வேலை முடிந்து விடுகிறது.ப்ளாக்கர் அவற்றை தினம்தோறும் குறிப்பிட்ட நேரத்தில் பதிப்பித்து விடுவதால் வாரம் ஆறு பதிவுகள் சாத்தியமாகிறது.சித்தர்களைத் தாண்டிய தனித் தகவல்களை தொகுத்து வைக்க தங்கதமிழ், சித்த ஜோதிடம், ஆலயம், ஆன்மீகம், மனக்கனவுகள் ஆகிய பதிவுகளை வைத்திருக்கிறேன்.அவற்றில் மாதம் ஒரு பதிவு போடுவது கூட சிரமமாயிருக்கிறது.
5. உங்களுடைய இந்த வலைப்பூவை ஏறத்தாழ 750 க்கும் மேற்பட்டோர் பின்தொடர்கிறார்கள். தமிழ் வலைப்பூக்களில் மிக அதிகமான பின்தொடர்பவர்களைக் கொண்ட மிகச் சிலரில் உங்க வலைப்பூவும் ஒன்றாக இருக்கிறது! குறிப்பா பெண் பதிவர்களில் முதலிடம் உங்க வலைப்பூவாகத்தான் இருக்கும் என்று நினைக்கிறேன்! எப்படி உங்களுக்கு இது சாத்தியமாயிற்று? (எப்படி இவ்வளவு பேரை மிரட்டி பின் தொடர வைத்தீர்கள்?)
இது எனக்கே ஆச்சர்யமான ஒன்று, சமயங்களில் மிரட்சியாக கூட இருக்கிறது. இங்கே சித்தர்களைப் பற்றி அனுபவம் வாய்ந்த மூத்தவர்கள் பலர் எழுதிக் கொண்டிருக்கும் சூழலில் என் மாதிரியான சிறியவளின் பதிவுகளும் கவனிக்கப் படுகிறதென்றால் அதற்கு குருவருள் மட்டுமே காரணம் என நினைக்கிறேன். அவரின்றி ஓர் அணுவும் அசையாது என்பதை எனக்கு உண்ர்த்திய இன்னொரு நிகழ்வாகவே இதை பார்க்கிறேன்.
6. பொதுவா ஆன்மிகம் தொடர்பான விஷயங்களுக்கு அவ்வளவு வரவேற்பு இருப்பதில்லை! அப்படி இருந்தும் இவ்வளவு வரவேற்பு இருக்கும்னு எப்படி தொடங்கினீர்கள்? இத்தனைக்கும் நீங்க எந்த திரட்டியிலும் இணைக்கவும் இல்லை
இத்தனை பெரிய வரவேற்பு நான் முற்றிலும் எதிர்பார்க்காதது என்பதுதான் உண்மை. ஆரம்பத்தில் தகவல்களை மட்டும் பதிந்து வைக்க நினைத்த நான், ஒரு கட்டத்தில் வாசிப்பவர்களை மனதில் கொண்டு எழுத ஆரம்பித்தேன்.எளிய தமிழில் எழுதுவதுதான் பதிவின் வெற்றிக்கு காரணம் என ஒரு நண்பர் மின்னஞ்சலில் தெரிவித்திருந்தார்.எனக்கும் அதுவே சரியென படுகிறது.மேலும் திரட்டிகளின் வாக்கு பட்டையை இணைப்பதனால் வரும் வாசகர்களை,ஆர்வத்துடன் தகவல்களைத் தேடிவரும் வாசகரகளையே நான் பெரிதும் விரும்புகிறேன்.அதன் பொருட்டே திரட்டிகளுக்கு முக்கியத்துவம் கொடுக்க வில்லை.
7 . இவ்வளவு சீரியஸா ஒரு பக்கம் எழுதினாலும் கூகிள் பஸ்ல கொலைவெறியோட மொக்கை போடுறீங்க! எப்படி ஒரே பெயரில் ரெண்டு பர்சனாலிட்டி மெயின்டெயின் பண்ண முடியுது?
எங்கும் இயல்பாகத்தான் இருக்கிறேன்.எனக்கு வித்தியாசம் தெரியலை.
8 . ஒரு வருட பதிவுலக வாழ்க்கையில் சந்திச்ச சுவாரசியமான விஷயங்கள் ஏதாவது இருந்தால் பகிர்ந்துக்குங்க.
பல இனிய நண்பர்களை இந்த வலைப்பூ முயற்சி எனக்கு தந்திருக்கிறது. இந்த பதிவின் வளர்ச்சியில் அவர்களின் தொடர்ச்சியான விமர்சனங்களும்,கருத்துக்களும் பங்களித்திருக்கின்றன என்றால் மிகையில்லை. குறிப்பாக சொல்வதானால் எனது இனிய நண்பராக திரு. சரவணகுமார் அவர்கள் கிடைத்தது மறக்கமுடியாத நிகழ்வு.
9 . பதிவுலக நண்பர்களுக்கு நீங்க சொல்ல ஆசைப்படுற மெசேஜ் என்ன?
ஒரே ஒரு செய்தி இருக்கிறது, திரு. நாமக்கல் சிபி ரொம்ம்ம்ம்ம்ப நல்லவர்.பின் குறிப்பு: இது ஒரு சீரியஸ் பேட்டி!
பேட்டி எடுத்தவர் : நாமக்கல் சிபி
எச்சரிக்கை : இது காமெடி பதிவு அல்ல
இனி
சீரியசாக மட்டுமே
எழுதவேண்டுமென்று தீர்மானித்து
பெரிய ஜாம்பவான்களின் எழுத்துக்களை
விடாப்பிடியாக வாசித்துப் பழகி
இனி எனக்கும் கைவந்துவிட்டது
என்ற நம்பிக்கையில்
தீர்க்கமாய் எழுதி முடித்தேன்
இரண்டே சொற்களில்
ஒரு கவிதை!
வாசித்துப் பார்த்த நான்
ஒரு வாரம்
ரூம் போட்டு சிரித்தேன்!
நான் எழுதிய கவிதை இங்கே! .
.
.
.
.
"பால பாரதி"!
வ. வா.ச புரொடக்ஷன்ஸ்
பெருமையுடன் வழங்கும்
'லக்கி' யுவகிருஷ்ணா வின் தீப்பொறி வசனங்கள்
பாலபாரதி வாழும்
பாசப் பதிவர்கள்
(பா.க.ச பதிவர்கள்னு யாராச்சும் படிச்சீங்கன்னா பிச்சிப்பிடுவேன் பிச்சி)
தீபாவளி வெளியீடு
உங்கள் அபிமான கலாய்த்தல் திணையில்
என்னுள் இருந்தவள்
விரும்பி வினவினாள்
ஓரெழுத்துக் கவிதையொன்று
வாசிக்க இயலுமா?
"நீ"
என்றேன்
இரண்டெழுத்தில் என்றாள்
"நீயே"
என்றேன்
மூன்றெழுத்து என்றாள்
"நீதான்"
என்றேன்
"நான்கெழுத்து"
பின்புறமிருந்து குரல் வந்தது.
"எவ அவ?"
என்று திரும்பினேன்
"பொண்டாட்டி"
என்றாள்.
அட ஐந்தெழுத்து
என்றேன்.
"ஸ்டார்ட் மீசிக்"
என்றான் என் மகன் ஆறு எழுத்தில்.
ஐந்தெழுத்திலேயே எனக்கு
"ஆயுத பூஜை"
அரங்கேறிக் கொண்டிருந்தது
மீள் வருகைக்குப் பிறகு சில போஸ்ட் போட்டாச்சு! இருந்தாலும் அனானிகளுக்கும் படையல் போடணும்ல! அதுக்குத்தான் இந்த கெடா வெட்டு போஸ்ட்! ரெடி ஸ்டார்ட் மீசிக்!
மக்கா! வழக்கம்போல நான் உங்களை நம்புற மாதிரி நீங்களும் நம்ம நம்பிக்கையைக்
காப்பாத்தணும் சொல்லிட்டேன்!
எப்படி எதனாலென்றாம் தெரிந்து தொலைக்க மாட்டேன் என்கிறது! கடந்த ஒரு வார காலமாகவே இந்த தொல்லை! ஒண்ணு ரெண்டானால் கூட பரவாயில்லை! சனியன் ஐந்து ஆவிகளா வந்து தொல்லை செய்யும்! அதிலும் அந்த 4 ஆவிகள் கண்ணுக்குத் தெரிவதில்லை! ஐந்தாவதாக இருக்கும் ஆவி மட்டுமே கண்ணுக்குப் புலப்படுகிறது! அதுவும் மங்கலாக! ஆனால் ஐந்தின் சேட்டைகளுக்கும் அளவே இல்லாமல் போய் விட்டது!
வேலையை முடித்து விட்டு அலுவலகத்திலிருந்து திரும்பி வந்து அறையைத் திறந்தால் போதும்! ஏதோ அண்ணாமலை படத்திற்கு முதல் காட்சி டிக்கெட் வாங்கிக் காத்திருக்கும் ரசிகர் கூட்டம் போல ஒன்றையொன்று முண்டியடித்துக் கொண்டு என்னையும் தள்ளி விட்டு திபு திபுவென்று உள்ளே நுழைந்து கொள்கின்றன! இந்த தள்ளு முள்ளுவினால் கதவின் கைப்பிடியில் சிக்கி எனது இரண்டு சட்டைகள் வேறு கிழிந்து விட்டிருக்கின்றன! இதற்கு வீட்டில் போய் நான் என்ன விளக்கம் சொல்வது என்ற கவலை வேறு அவ்வப்போது என்னை
வாட்டிக் கொண்டிருக்கிறது!
அறையை வாடகைக்கு எடுத்தபோதே என் நண்பன் சொன்னான். இங்கே ஏதோ சரியாகப் படவில்லை! வேறு அறை கேட்டு வாங்கிக் கொள் என்று. நான்தான் அட! எதெற்கெல்லாம் யோசிப்பது என்று என்னை நானே சமாதானப் படுத்திக் கொண்டேன்.
ஒரு கேன் தண்ணீர் ரூ30 கொடுத்து வாங்கி வைத்தேன்! இரண்டே நாளில் கேன் காலியாகி விட்டிருக்கிறது! துடைத்துக் கவிழ்த்து விட்டுப் போய்விடுகின்றன அந்த ஆவிகள்! அறைக்குள் உறங்கிக் கொண்டிருக்கும்போது நைஸாய் வெளியேறி அறைக்கதவை வெளிப்புறமாகத் தாழ் போட்டுத் தொலைத்து விடுகின்ற்ன. நள்ளிரவில் எழுந்து அவசரமாய் சிறுநீர் கழிக்கச் செல்லும்போது கதவைத் திறக்க முடியாமல் நான் பட்ட அவஸ்தை அந்த ஆவிகளுக்கே வெளிச்சம்! அதிலும் குறிப்பாய் அந்த ஐந்தாவது ஆவி..! க்ர்ர்ர்ர்ர்ர்ர்ர்ர்ர்ர்ர்ர்.. பற்றிக் கொண்டு வருகிறது எனக்கு!
இரண்டு வாரத்திற்கு முன்னர்தான் 75 ரூபாய் விலையில் புதிய தலையணை ஒன்று வாங்கி வந்தேன்! நேற்று காலை எழுந்து பார்க்கும்போது அறை முழுவதும் இலவம் பஞ்சாய்ப் பறந்து கொண்டிருந்தது!
இரண்டு மாதங்களுக்கு முன்னால் இதே அறையில் காலியாய் இருந்த படுக்கைக்கு இன்னொருவரை கொண்டு வந்து விட்டார் மேன்சன் மேனேஜர். தனியா இருந்தா பிடிக்காதே என்று முணகிக் கொண்டே புது நபரை வரவேற்றேன்!
"நான் பழனி" என்றார்.
"நான் நாமக்கல்" என்றேன்.
"அது இல்லை! என் பேர் பழனி" என்றார்.
"ஓ! என் பெயர் சிபி" என்றேன்!
அறைக்குள் பையை வைத்துவிட்டு வெளியே சென்று வந்தவர் கைகளில் புதிய பிளாஸ்டிக் வாளி, குவளை, இத்யாதி இத்யாதி...!
இரவு உறங்கப் போகும் முன் சிறிது நேரம் பொதுவாய்ப் பேசிக் கொண்டிருந்தோம்!
"உங்களுக்கு ஆவி, பேய் பிசாசுகள் மேல் நம்பிக்கை இருக்கிறதா?" என்றேன்.
"ஹெஹெஹெ" என்று ஏகமாய்ச் சிரித்தார்.
அடுத்த நாள் காலை நான் விழிக்கும் போது மேன்சன் மேனேஜர் வந்தார். உங்க நண்பர் மேன்சனையே காலி செய்து விட்டுப் போய் விட்டார். இரவு முழுவதும் அப்படிச் சிரித்தீர்களாமே! இது போல் அறை வாசிகளைக் காலி செய்யும் முயற்சியை கைவிடுங்கள்! இதுவே முதலும் கடைசியுமாக இருக்கட்டும்! ஒன்று இருவருக்கான வாடகையையும் நீங்களே கொடுக்க வேண்டி இருக்கும்! அல்லது உங்களை மேன்சனை விட்டு காலி செய்ய வேண்டி இருக்கும்" என்று எச்சரித்து விட்டு சென்றார்.
அவருக்கென்ன தெரியும்! ஐந்து ஆவிகளும் விடிய விடிய என்னை கிச்சு கிச்சு மூட்டித் தொலைத்த கொடுமை! தினம்தோறும் இதே அக்கப்போறாக இருக்கிறது! இருக்கட்டும் ஒரு நாள் மேனேஜரை இங்கே படுக்க வைத்து விட்டு வேறு அறையில் சென்று தங்கி விட வேண்டும்! என்று காத்திருந்தேன்! அதே போல் ஒரு நாள் வேறு அறைக்குச் சென்றுவிட்டு காலையில் வந்தேன். மேனேஜரின் நிலை என்னவாக இருக்குமென்று பார்க்க மனசில் ஒரு இனம்புரியாத வக்கிர ஆசை! மேனேஜர் வழக்கம்போல உற்சாகமாக எழுந்து குளிக்கக் கிளம்பி இருந்தார்.
"போச்சு! ஒரே ஒரு நாள் இருந்துக்கட்டுமான்னு கேட்டான்! சரின்னு சொல்லித் தொலைச்சேன்! இன்னிக்கு என் போர்வையெல்லாம் கிழிஞ்சி கிடக்குது" ன்னு நான் இரவு தங்கியிருந்த அறைவாசி யாரிடமோ சத்தமாய்ச் சொல்லிக் கொண்டிருந்தது காதுகளில் விழுந்தது!
இது ஆவதற்கில்லை! ஏதாச்சும் செய்தே ஆக வேண்டும்! மைலாப்பூரில் ஒரு பூசாரி தாயத்து தருகிறார் என ரகசிய விசாரணையில் தெரியவந்தது! வாங்கி வந்து அறையெங்கும் கட்டி வைத்தேன்! இனி வருகின்றனவா பார்த்து விடுவோம் என்று! மாலையில் வந்து பூட்டைத் திறந்து கதவைத் திறக்க முயன்றேன்! உட்புறமாகத் தாழிட்டுக் கொண்டு கெக்கேபிக்கேவென பேசிச் சிரித்துக் கொண்டிருந்தன!
"மேனேஜர்" என்று கத்தினேன்! தட தடவென ஓடி வந்தார். கூடவே இரண்டு பேர். வெள்ளை சட்டை, வெள்ளை பேண்ட் அணிந்திருந்தனர். "இவனுக்கு இதே வேலையாப் போச்சு" என்று என் இரு புஜங்களில் அழுத்திப் பிடித்தனர். மேனேஜர் தன் கைகளில் திடீரென ஒரு ஊசியை எடுத்தார். "டேய் டேய்...! ஆவி இருக்குதுடா, ஆவி இருக்குதுடா.. ஐந்து ஆவிகள் கும்மாளம் போடுதடா" என்று கத்திக் கொண்டிருக்கையிலேயே எதையும் காதில் வாங்கிக் கொள்ளாமல் நறுக்கென்று ஊசியைச் செருகினார் மேனேஜர். எனக்கு அப்படியே கண்களைச் சுழற்றிக் கொண்டு வந்தது. ஆயினும் ஒரு நிம்மதி. அப்பாடா இனி விழிக்கும் வரையில் இந்த ஐந்து ஆவிகளின் தொல்லை இருக்காது என்று!
இன்று எப்படியும் அந்த நாலாவது பின்னூட்டம் வந்துவிடக் கூடும்! ஆவலை அடக்க முடியவில்லைதான்! ஆயினும் எத்தனை முறைதான் ரிஃப்ரஷ் செய்து கொண்டிருப்பது! கொஞ்சம் இடத்தை விட்டெழுந்து ஒரு தம் அடித்து காலாற நடந்து வரலாம் என்று எழுந்தேன்! நின்றவாறே ஒரு முறை மீண்டும் ரிஃப்ரெஷ் செய்தேன்!
ம்ஹூம்! ஏமாற்றமே மிஞ்சியது!
ஒற்றைப் பதிவெழுதிவிட்டு எத்தனை நேரம் காத்துக் கிடப்பது! சரியான நேரத்தில் வெளியிடவில்லையோ என்று யோசித்தேன்! இல்லையே! நேற்று பகற்பொழுதில் கூட ஒரு முறை மீள் இடுகை செய்தேனே! அட! நேற்று திங்கள்! வாரத்தின் முதல் நாள்! வேலையில் கவனமாயிருப்பார்கள்! அது கூட காரணமாக இருக்கும்!
ம்ம்! இன்று ஒரு கை பார்த்து விடலாம்! மீண்டும் மீள் பதிவு செய்தாயிற்று! தமிழ்மணம், தங்கிலீஸ், மற்றும் என்னென்ன உண்டோ அனைத்திலும் பதிவு செய்து விட்டாயிற்று! அட! அந்தத் தமிழ் உலவு போடும் கடமைப் பின்னூட்டம் கூட வரவில்லையே! மூன்று பின்னூட்டங்களைத் தாண்ட மாட்டேன் என்கிறதே!
தெரிந்த தெரியாத அனைவருக்கும் உரலை அனுப்பிப் படிக்கச் செல்லியாயிற்று! ஆயினும்....! சேட்டில் வந்த அனைவருமே படித்தேன், படிக்கிறேன் என்று சொல்கிறார்கள்! மீண்டும் மீண்டும் வற்புறுத்தினால் அமைதியாகி விடுகிறார்கள்! அல்லது பிஸியாகி விடுகிறார்கள்! என்னதான் செய்வது!
விடுவதாயில்லை! செய் அல்லது செத்து மடி! இறுதி முடிவுக்கு வந்தேன்! அது உறுதியானதும் கூட! கொஞ்சம் மனசாட்சியை மட்டும் கழற்றி அப்பால் வைக்க வேண்டும்! செய்தாயிற்று!
"அடடே! அபாரம் உங்கள் இடுகை! தொடர்ந்து பதிவிடுங்கள்!" என்ற ஒற்றை வரிப் பின்னூட்டத்தை நானே தட்டச்சினேன்! முதல் மூன்று பின்னூட்டங்களைப் போலவே!
