கலாய்த்தல் திணை

தொடங்குகிறேன் எது
வழியெண்றே தெரியாமல்
எனது தேடலை
கால்போன போக்கில்
கடலை போட
வெளிர்நீல வானத்தின்
மேகக் கூட்டம்
அள்ளித் தெளித்த
அரளித் தோட்டம்
எனது ஞாபகத்தின்
துளிகளைதுவத்துக் காயவைத்தபடியே
என்னையும் தூங்கவைக்க
தாலாட்டு பாடியபடியே
தறிகெட்டோடும்
தட்டாம்பூச்சிகள்
அதன் வழிபற்றிப் போகும்
தாவனிக் காட்சிகள்
முகத்தின் மீது அறைய
கால்செருப்பு தேடும் கன்னி
கண்களில் செய்யும் சில்மிஷம்
அவள் இதழ்களின் உண்டு
துளி விஷம்
என்பதையறியாமல்
அமுதுண்டு வர
அழைப்பைப் பார்த்து
கிளர்ந்தெழுந்த ஆவலை அடக்கியபடியே
புறாவின் எச்சம் தெறித்த
திரைச்சீலையினூடே
எட்டிப்பார்க்கும் இயலாப் பார்வையினூடே
குட்டி போட்ட பூனையாய்
குட்டிகளை சுற்றிவரும்
வால்களுக்கும் அப்பால்
எதிரும் புதிருமாய்
இருக்கும் உருவங்களை
கேட்கிறேன்
ஏன் இந்தக் கொலைவெறி?

-----------------------------------------------------------------------------------------

மேற்கண்ட இந்த அற்புதமான கவுஜை உருவான கதையையும் வாசகர்கள் அவசியம் தெரிந்து கொல்ல வேண்டும்.

இன்று கிழுமத்தூர் எக்ஸ்பிரஸ் மகியும், நானும் கூகிளினூடே உரையாடியபொழுது மகி அவர்கள்தான் இந்த வித்தியாசமான முயற்சியொன்றை முன்மொழிந்தார். ஆளுக்கொரு வரியாய் எழுதி கவுஜை புனைந்தாலென்ன என்று! நானும் மகிழ்ச்சியுடன் ஒப்புக்கொண்டு களத்தில் இறங்கினேன்.

முதல் வரி நான் தொடங்கி வைக்க, அப்படியே மாறி, மாறி வரிகளை நிரப்பு மகியின் கடைசி வரியுடன் நிறைவு செய்துள்ளோம்! இம்முயற்சி இன்னும் பல கவுஜைகளாகத் தொடரும் என்றும் எச்சரிக்கை செய்கிறோம்.

எழுத்தாளர்கள் (சுபா), இசையமைப்பாளர்கள் (சங்கர் கணேஷ், விஸ்வநாதன் ராமமூர்த்தி) போன்றோர் வரிசையில் இனி பெருமையுடன் கொலைவெறிக் கவுஜர்களாய் நானும், மகியும்.

எங்கள் கூட்டணியின் புதிய கொலைவெறிக் கவிதைத் தளம் விரைவில் திறக்கப் பட இருக்கிறது.