கலாய்த்தல் திணை

சமீப காலமாக(!?) தமிழ் மணம் முகப்புப் பக்கத்தில் ஏதாவது ஒரு மூலையிலேனும் **** கதைகள் என்ற வார்த்தைகள் கட்டாயமாக இடம்பெற்று வருவது அனைவரும் அறிந்ததே! இது பற்றி வாசகர்கள் சிலரிடம் கருத்து கேட்டபோது!

சேகர், சென்னி மலை (கல்லூரி மாணவர்): "அடப் போங்க சார்! **** கதைகள்னு தலைப்புதான் இருக்கே ஒழிய உள்ளே போயி படிச்சிப் பார்த்தா வெறும் மொக்கைதான்! இதுக்காக நான் தினமும் வீட்டுல எல்லாரும் தூங்கின பிறகு திருட்டுத் தனமா தமிழ்மணத்தைத் திறந்து பார்த்து, எதிர்பார்த்து எதிர்பார்த்து ஏமாந்து போனதுதான் மிச்சம் தயவு செஞ்சி தலைப்பை மாத்தச் சொல்லுங்க நாட்டாமை!"

ராஜசேகரன், ராசாக் கவுண்டனூர் : "எங்க ஊர்ல இண்டர்நெட்டு இல்லைன்னு சைக்கிள் எடுத்துகிட்டு பக்கத்து ஊரு பிரவுசிங் செண்டருக்கு போயி முக்காடு போட்டுகிட்டு படிச்சிப் பார்த்தேன், அப்படி ஒண்ணும் எதிர்பார்த்த அளவு இல்லை! வெறும் தலைப்பைப் படிச்சி ஏமாந்துடாதீங்க, அவ்வளவுதான் சொல்லிட்டேன்"

கணபதி(குடும்பத் தலைவர்) : "என்னடா எப்பப் பார்த்தாலும் என் மவன் தமிழ்மணமே கதின்னு கிடக்கறானேன்னு ஒரு நாள் நானும் எட்டிப்பார்த்தேன்! அப்புறம்தான் தெரிஞ்சது அதுல நிறைய **** கதைகள்னு வருதேன்னு! அப்புறம் பெல்ட்டாலே அவன் தோலை உறிச்சிட்டம்ல! படிக்குற வயசுல எதை எதை படிக்கணும்னு ஒரு வரைமுறை இருக்குல்ல! அதையும் வீட்டுலயே வேற தைரியமா படிச்சிகிட்டி இருக்கான்னா பார்த்துக்குங்க! எந்த அளவுக்கு கெட்டுப் போயி கிடக்குறான்னு"


மலேசியாவில் இருந்து விக்னேஷ்வரன்: இப்போது தமிழ் மணத்தில் இது ஒரு வியாதினு நினைக்கிறேன். **** என்ற சொல்லுக்குதான் அதிக ஹிட் கிடைக்கிறதாம். என் கருத்து என்ன என்றால் தமிழ் மணத்தில் சேர்க்கும் பதிகளுக்கு தலைப்பு இல்லாமல் இருந்தால் நல்லது...

லேட்டஸ்ட் செய்தி : இது போன்ற கதைகளையோ அல்லது தலைப்புகளைக் (உம். **** கதைகள், 18/21 வயது கதைகள்/ **** ...) கொண்ட பதிவுகளையோ தமிழ்மணம் திரட்டக் கூடாது என்று தமிழ்-கதைகள் திரட்டி நிர்வாகிகள் தமிழ்மணத்திற்கு வேண்டுகோள் விடுத்ததுடன் இதனால் தங்கள் திரட்டிக்கு வாசகர் வருகை குறைந்து வருவதையும் சுட்டிக்காட்டி உள்ளார்களாம்!